Ka seiñ WJNC hapoh i yahkhmat u Education Secretary yong ka u Rapmiki Pohti da beiñ joor ko ya u Living Rymbai uwa da klam beiñ ya ki khon ka Niamtre yong ka Raij Tuber deiwa thoh u ha Facebook heiyatoh wa ka Behdieñkhlam ka Raij.
Ka seiñ da ong ko heisakhiat ha ka ri synchaar paidbah i em i ka hok wow jied ya kawon kawon ka niam næ i ngait wei wym toh u kdaw kti yei ngait kiwi.
Ka seiñ da ong chooh chooh ko wa toh wow pynchitom kam ya kini ki jaitbru kiwa pynchit niam kiwa pynmih sñiaw yaphær ha ka chongsuk chongsaaiñ. Toh wow kem wow leh deiwa rap eh yow man ko ka nongmuna ya kiwi tawan wa kam ki bru wym hoi wow beiñ wow kynnoh ya kiwi khamtam hei ngait.
