Shillong: Kiwa puræ ka skurbah NEHU hapoh ka lama North Eastern Hills University Student Union (NEHUSU) ynne ka sngi da beiñ joor ki yei chah thombor ki khynnah ka Jawaharlal Nehru University (JNU) Delhi iwa da jia ha ka 4 tarik uni u bnai.
Neiliang u President ka NEHUSU, u Yshwa Lyngdoh da ong u wa ki khynnah kani ka skurbah phah ki ya i sñiawlem cha ki khynnah ka JNU kiwa da chah thombor heiwa da beiñ leh ya ki damok kiwa emkti ha ini i kaam.
Da ong u wa lada kam kini waroh jia ki, ki khynnah puræ leh chong syir ki hanla em ki heiwon heiwon leh neibhah wot ya ka JNU wa man ka thaw wa paw ha ri leh dang jia kamni.
Hajrong i yoh ki bru wa na baar wow psiah suk cha ki thaw puræ, neiliang u President ka NEHUSU da kubur u wa em ki khynnah wa emkti wa ki seiñ sain pyrthai, tangwa hawa psiah ki ha NEHU da chim bait ya ki du kam ki khynnah puræ donhi.
Ha ini i pyrchah hajrong ka NEHUSU, da chimbynta leh da ki dkhot ka Research Scholars Forum, ka Hynniewtrep Research Scholars Association, wa ki JNU Alumni.
Discussion about this post