Beiñ joor u Paul wa thung ya ka baar jylla kam ka Consultant ha ka tnat yalehke ka jylla

Shillong: U Paul Lyngdoh ynnin ka sngi da syllaad u ya ka tnat Sports and Youth Affairs ka jylla hadien wa da thung kreh ko ya ka baar jylla ka Nikita Araujo wow man kam ka Consultant namo kawa e buit budia neibynta i pynkrehkaam ya ka National Games ka wow man ha u 2022.

Hawa kylli yeini ha ka yung dorbar ynnin ka sngi, u Paul da ong ong u wa man i iwa phylla wa kani ka consultant kawa na baar jylla tip ko yei tyrwa application neibynta ini i kaam.

Da pynbaad u wa i jied ya kani ka bru kawa na baar jylla toh du i leh chilliang neibhah wa da kyntait ya u khynroo uwa na kani ka jylla u Nicholas Pynshngainlang Jyrwa heiwa da jied leh khlem ka Personal Interview.

Heijooh i por da ong u wa da sñiaw phylla u wa ya ka tulop katkam wa booh ka sorkar du T. 25 hajar chi bnai da chah pynku dor ko ha kani ka consultant cha ka T.50 hajar wei katni nawon da ku ko cha ka T.80 hajar chi bnai.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hawa jubab won yeini neiliang u Zenith Sangma da ong u wa hadien wa pynchong yurim yei kyrdan puræ wei i sylli ka tnat yeini, da bichaar ko wei manda dep ini da jied noh ya ka wow man ko kam ka Consultant.

Tangwa hei yatoh wa i pynmih khubor du ha kawi donhi ka kotkhubor wow pynbna wa lait kaam, da kyntait u deiwa ong wa ymtip ware u ya ka khubor wa tikna wei daw pait u lada em hiwot kam katæ.

U Zenith da ong u wa hadien wa ood ware kiwa chemphang kiwa sikai ha kani ka kaam wa duna ka tulop wa yoh ki kawa T. 50 hajar da pynku noh ya ka cha ka T. 80 hajar chi bnai.

Katkam wa ong u Zenith, ka Nikita da man ko kam ka Consultant ha ka por wa pdiang ya ka South Asian Games wei katni da thung wow man ko kam ka consultant wow pynkhreh ya ka National Games ka wow man ha u snem 2022.