Beiñ ka BJP Mahila Morcha Meghalaya yei chah tynyap ka manbei

Ka BJP Mahila Morcha Meghalaya kawa man ka chnat kynthai ka Party da pynsñiaw ko yei khyrngiat yei chah tynyap khiar kawi ka manbei wa tip kam ka Priskila Suchiang kawa em 45 snem i rta kawa na chnong Donaskur, East Jaiñtia Hills iwa da jia ha ka 11 tarik uni u bnai.

Ka Mahila Morcha da phah ko ya ka khubor sñiawlem cha ki ar ngut ki khon ka Priskila Suchiang kamjooh kiwa ha-yung ko.

Da beiñ leh ya ini i rukom chah tynyap ko iwa khlem da pyrkhat de yei hok wow im kam ka bru iwa da e cha kawi pa kawi hapoh ka riti synchaar ka ri wei ka Party u yieñ lang ko wa waroh ki kynthai ka jylla.

Da ong leh wa ini i chah tynyap ka Priskila Suchiang pynyoo ko ya ki kaam wa sih wa em hapoh ka imlang sahlang wei yei emkaam wow ya krehlang yow pyndooh ya ini i kjut hapoh ka jylla.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pynsñiaw leh yei chaniah ya ki bor ka aiñ deiwa kyntu leh ya kiwon kiwon kiwa tip yeini wow wan ki chakhmat yow yarap yei takit.

Neiliang ka State President BJP Mahila Morcha, ka Sususki Pariat da ong wa ini i chah tynyap wa yoo chyrkhei kani ka manbei da pynkhyrngiat ko ya i waroh wei kam ka imlang sahlang toh u leh i ya waroh iwa ye i yow yada wei wow pyndooh jait noh ya kam kini ki kaam.

Da kyntu ko leh ya ki pulit wow kreh chitom yow chemdien ya kiwa emkti wei wow pynchitom ya ki katkam ka aiñ.