Shillong: Ka BJYM-Meghalaya da beiñ ko yeiwa pynbaad khlem yurim u Ardent Miller Basaiawmoit uwa man kam u President ka HSPDP heiwa da ong u wa ka BJP toh ka tnat krehkaam yong ka RSS haka yalang ha Madan Malki, wei da ong u wa ka BJP thmu ko wow wanrah kawi ka aiñ kawi ka rukom im, ka niam, kawi ka ktien ha waroh kawi ka ri India.
Kam kini ki pynbaad mih ki hawa joor i tieñ ya dooh ya ka chuki wei da pynbaad kat chawa yoh khlem pyrkhat de ya iwon iwon leh, da ong ka BJYM.
Da ong chooh chooh ko wa i pynbaad u Ardent kam uwa mihkhmat ki paidbah pynyoo ko wa oo ympu sñiawthooh u ya ka constitution ka ri India, kamjooh leh ya ka riti dustur ka jaitbru.
Da kyrpaad u Egenstar Kurkalang uwa man kam u President ka BJYM ya ki paidbah wa u yait ki nei chah pynchoi wei chah pynbiej wei emkaam leh wow tip ki ya ka yurim krehkaam wa sakhiat yong uwon uwon katkam ka aiñ.
Also Read: Rman u siñ hakhmat ki hajar ngut ki paidbah ha ka yalang ha Malki
Discussion about this post