Beiñ ka Delhi HC ya ka sorkar yei wym ye ko wow pait yei ku bai lieñsuiñ hadooh Rs. 40,000

Ka Delhi High Court ynne ka sngi da phah ko ya ka IndiGo Airlines wow su ya ka bai lutsan cha ki paidbah hadien wa pyndam syndet ya ki lieñsuiñ ha kylleiñ ka ri khamtam nadooh ka tayaaw wa nyngkong uni u bnai.

Ka High Court da beiñ ko leh ya ka sorkar pyrdi yei wym ye ko u pait ya ka bai lieñsuiñ iwa da ku hadooh Rs. 35,000 – Rs. 40,000 ha ini i jooh i por. 

Ka miej bichaar wa khlieh da u Chief Justice D.K. Upadhyaya da ong u wa ini man i i kaam wa sñiawkhia iwa ktah ya kiwa boon kamjooh leh i khayi pateiñ.

Related posts

Ha pchem u DC wan pynman yakhih kiwa chong chnong ka Daistong yow pyrchah ya ka Shree Cement

December 10, 2025

Da wai ya ka Swahid Smarak wow kynmoo ya ki 860 ngut wa yap hei yakhih pyrchah ya ki baar ri ha Assam

December 10, 2025

Ka High Court da phah ko ya ka Civil Aviation Ministry, ka DGCA wa IndiGo wow su smat ya ka bai lutsan cha kiwa chah ktah deiwa kylli wa weileh wym chimkhia chwa wow jia ini i thut krehkaam.

Neiliang u Additional Solicitor General, u Chetan Sharma da pyntip u wa da chimkhia wei daw pynchitom ya ka IndiGo, heiwa da phah leh ya ka Show Cause Notice yeiwa da jubab ko dei paan maap. Ka sorkar da pyntip ko leh wa da phah ya ka IndiGo wow pynduna ya ki lieñsuiñ yong ka da 10% iwa mut wa dooh ko u pynhær ya 200 tylli ki lieñsuiñ ha ka chi sngi.