Ka seiñ HITO West Jaiñtia Hills District da beiñ ko yei dai wei siat tim ha Jowai ha ka sngi Good Friday khlem da pyrkhat yei sñiaw niam yong ki para doh para snaam wa em ha kani ka thaaiñ.
Ka HITO da kyntu ko ya ka seiñ kiwa dai tim wym toh wow leh de kamni ha ki por wow wan khnang wym wanrah yei sñiaw yaphær.
Da ong leh wa ya i da sikai wow ya burom kylliang hawa waroh kiwa dai tim, kiwa thoh tim nadooh na Shillong hadooh Ladrymbai ye ki wow burom ya kani ka sngi ileh won ym em ki mo ya ki bru wa tip u pyrkhat wow niawkor ya ka sngi kyrpang ki Christan.
Hawa kylli na ka seiñ hawa i thoh tim ym em man ko pyrchah ya ka aiñ wei kiwi ki khih ki bru wai hi ha ka sngi Good Friday da e daw wa kani toh ka kaam yakhle.
