Beiñ ka HITO yeiwa klam u Reading War chaphang ka niam ka dustur ki Pnar

Ka HITO Jowai Circle da beiñ ko yei klam u Reading War ha kawi ka yaphyllu yumut (Discussion Programme) heiwa ka seiñ ym sñiawsuk ko wow sñiaw wei wow yoo yeiwa klam uni u bru uwa da kam ya idæ kam u bru wa stat wa chemphang.

Ka seiñ da ong ko wa ini i klam u Reading War da pynyoo ko yei biej u deiwa beiñ ya ka dustur wa i lehniam ki Pnar.

“Ki Pnar pyndep ki yei lehniam, ka Chaad Sukra neidaw wa em ki ka Pynthor Wah wa Pynthor Neiñ. Ki Pnar ki pyndep ki leh ya ka Behdieñkhlam ha rykhat ka kñia ka khriam ka ngooh ka dem. I em i ka wah Myntdu kawa kær soodong talawiar ya ka chnong Jowai,” da ong u President ka seiñ.

Da ong u leh wa i ong u Reading wym myntoi ka Chaad Sukra, ka Behdieñkhlam ha ki Pnar toh i wym yahaap wei na ini i daw ka seiñ da beiñ ko ya kini ki bru ki wym sñiawthooh ya ka dustur wa ka niam ka rukom yong ki Pnar.

Related posts

Wym yoh u yaleh Exam neidaw wa sah ka bai College, pynkut uwa lai BA yei mynsien deiwa thang

November 9, 2025

Du 10 ngut wa em hapoh ka lieñsuiñ wa lai cha Delhi neidaw wa joor man bih ka la’ær na nongbah ka ri

November 9, 2025

Chooh chooh da ong u sñiawbha hachwa wow klam da antaad bha ya toh mih i sñiawyaphær i wym ya sñiawthooh wei da kyrpaad u leh ya kam kini ki bru hawa ym tip phi ya ka niam ka dustur yong ki Pnar wym toh hi u klam neibhah wym sñiaw yahaap wow klam palat ya u pood wym tip phi.