Ka HNLC da beiñ ko yei chah kem u dkhot ka HNYF, u Tarson Lymba deiwa ong wa da leh yeini du deiwa pynbaad thok wa emkti u wow tympdung Bomb IED ha Them Metor.
Da ong wa ini toh i buit yongrim wa da leh da ki pulit manda ym em chemdien ki ya kiwon kiwon kiwa emkti wei da lai kem ki kat yawa yoh ki.
Da ong leh wa u Tarson toh uwa embynta hei yaklam yasuk tangwa ymtoh u dkhot næ uwa kyrchaan yaka HNLC wei man u du kam uwa lai synraan donhi ya u Sadon Blah uwa man kam u ksiang heipor wa yaklam yasuk.
Kamtæ da ong wa lada ya kam kini kiwa pynyasuk chah pyndik chah kem ki ha ki pulit, kiyi de wow chaniah yaka sorkar manda wan biang ka HNLC wow yaklam yasuk.
Ka HNLC da ong ko leh wa da chynna hi wa ka sorkar pynyap ko ya u Cherishstar uwa man kam uwa rah ktien. Wei da yoosarom wa kiwa mihkhmat paidbah ka Meghalaya kiwa toh u yada yaka synchaar paidbah tangwa da yoh ki wow synchaar dei bor poisa.
Heiyatoh won wa u Ebakordor Nongpluh uwa da chah kemlang, ka HNLC da ong ko wa uni toh uwa man kam u ‘Police Informer’.
Heijooh i por da ong wa ka HNLC ym em man ko kawa pyrchah yei suk i saaiñ wei ki ymtoh kiwa thombor tangwa kiwa chah thombor. Lada em kiwa tooh yei thaw i kammon u leh i, daw em i suk mo?
Plat 76 snem ka India ym jooh yoh ko ya iwon iwon i imsuk wei ym yoh hi ko leh yeini. I suk u wan i du deiwa man salonsar, i lait nei chah lehbeiñ, i chah leh chiliang, u lait na ki kaam wym man katkam ka aiñ, i chah chet chukor neibhah yei suk ym yoh deiwa em i paitkhmat wa i chah lehbeiñ.
Nga da dep O u puræ yei parom ka Bharat wei pynyoo ko wa man ko kam kawa pynyap bru, kawa wan psiah yabor, kawa hiar thma, kawa tooh, kawa rahbor, kawa thok, kawa sympat, kawa slaitbor wa kawa leh pyrchah aiñ.
Da tyngkheiñ ko ya ki soskular wa da yasoi wa ki hima, kawa leh mar dei khangtleiñ wei ym yahaap u kwah ko yei suk i saaiñ, u lait nei um snaam, deiwa kular yei hok wa i synchaar paidbah.
Kiwa mihkhmat paidbah ki Ynñiawtrep da sñiawsih wow yoo wa ki leh da bood ki yeini, da chah pynkylla ki, da chah phon ki ha kiwa choon wei kiwa thombor ya i, wei da man ki kam ki dalal, kiwa chah pynchaad haka sorkar India.
Kwah ki wow tympiah yaka ri wei yow leh yeini ym sang ki wow leh iyi iyi leh. Emkaam i hok lym kamtæ daw yoh deiwi!
Da dep siat yap phi deiwa e boon ki daw thok, u pynmynsoo ya ki dkhot yong i. Da pynyap phi ya u Cherishter, da rahbor phi ya u Sibsing Syiem, pynbor phi ya u Wickliff Syiem wow yut chnong u, kset wei pynchitom phi ya waroh kiwa yahkhmat ka Ynñiawtrep ki wym yoosuk phi.
Lada pyrkhat phi wa daw tieñ daw yut i naphi da man i iwa bakla neibhah u tia u toor i cha phi.
Ka kyrwoh na u Saiñkupar Nongtraw, General Secretary cum Publicity Secretary, HNLC.
Discussion about this post