Ka HYC War Jaiñtia Circle lyngba ka kyrwoh khubor na u President u Yoodahunki Shylla da khyrngiat ko yei chah thombor u Hep Lyngdoh uwa na ka chnong Nongtalang ha ki bru kwah snam kiwa ym pu chem kse yaki.
Haka 2 tarik uni u bnai, u Hep Lyngdoh da wiar u na yung heipor chiteiñ synyaw, kamtæ neiliang kiwa ha yung da sdang ki wow thooh ya oo cha wah cha neiñ tangwa ym chem ya oo.
Neiliang ka seiñ da beiñ joor ko yaki bru wa nood wow leh ya katai ka kaam wymman ki wym em de i sñiaw para bru. Kamtæ da dawa joor naka sorkar jylla wow chimkhia wow wanrah yei suk i saiñ u paidpah ka thaaiñ neibhah wa kam ini i jooh i jia da dep jia ha kini ki sngi wa da dep ha sarok bah Dawki-Jowai, na ini i daw, ka sorkar toh u bahkhlieh ko hajrong ini.
Ha i jooh i por, ka seiñ da phah kyrwoh sñiawlem ko cha kiwa hayung hasem kiwa maad ya ini wa sñiawsih wa u Blai u emlang u waki wa u Hep Lyngdoh yow yoh u yei chait i khiah.
Discussion about this post