Ka Women’s Wing yong ka Jaiñtia Student Movement (JSM) Central Body da beiñ joor ko ya u Waheh Chnong ka Mihmyntdu wa kiwi ki bru kiwa da dat pynmynsoo ya u khynnah khynroo uwa em katni hapyrdi i chah sumaar ha Jowai Civil Hospital, Ialong.
Da ong wa uni u khynnah khynroo toh uwa na chnong Rtiang, West Jaiñtia Hills District uwa sah wai ha Mihmyntdu, wei da chah dat u dei neidaw wa da lai bakla u na u sarok wa dang dep chna wot da i khyndaw-bilat ha ka Sngi Chohthat heipor kamwa 6:00 waje i janmiet chadien ka yung krehkaam ka chnat Soil and Water Conservation.
Ka seiñ da ong ko wa hadien wa u Waheh Chnong da chem u wa toh uni u khynroo uwa da lai lyngba uni u sarok wa da kreh lyngba ka Scheme 100 sngi, kamtæ da lai dat u oo hadooh wa da mynsoo u wot hadien wa da kular uni u khynnah wow chna namo u su ya iwa da sih nei lai bakla u na uni u sarok wa dang dep chna wot.
Hajrong ini i leh uni u Waheh Chnong ka Mihmyntdu neiliang ka JSM Women’s Wing da kylli ko, hoi hi mo wow pynchitom ya u bru næ ka bru du neidaw iwa khian tam hadooh wa da mynsoo joor u? Da kylli ka General Secretary ka seiñ, ka N. Dkhar.
Da pyntip leh wa hajrong ini, da ujor FIR da kiwa ha yung uwa chah dat ha ka Jowai Police Station wow leh yeiwa emkaam.
