Jowai: Ki artylli ki seiñ, ka Jaiñtia Student Union (JSU) Central Body wa ka Ri Jaiñtia Youth Federation (RJYF) Central Body da beiñ joor ki yei cha tynyap khiar u President ka JYF u Poipynhun Majaw ha ki bru thrang snaam kiwa khlem kheiñ kor de ya i mynsien wa kordor yong u bru.
Neiliang ki arseiñ da kyrpaad ki ya ki bor yong ka aiñ wow chimkhia wow thooh ya kiwa emkti ha kani ka kaam tynyap bru.
Heijooh i por ki arseiñ da kyrpaad ki ya ka Human Rights Commission yong ka jylla Meghalaya wow sñiawbha ki wow tuklar lang ha jrong ini wa jia neibhah kam kini ki jia da pyndooh ko ya ka hok longbru manbru wa ya i rukom im laitlooid hapoh ka jylla wa ka Ri hi waroh kawi, pynkut kyrwoh khbuor na u President Ka JSU-CB u Lawyerson War wa u General Secretary ka RJYF-CB u Ebormi N Pale.
Discussion about this post