Ka JSU, lyngba u President ka Shillong Circle u Treiborlang Suchen wa u General Secretary u Request Pakma, da thoh ki cha u Montri ka chnat i chait i khiah, u A.L. Hek hajrong ki khubor wa mih lyngba ki laad pathai khubor hajrong i klam u Director Ka DHS (MI), u Aman Warr.
Uni u heh sorkar da ong u wa ka chnat khut ko ya ki khynroo khyllood wa dang wan na baar ka jylla wow wan kreh chipor kam kiwa kreh Covid-19 (Covid-19 workers).
Ka seiñ da ong ko wa ini i klam uni u sahep da pyn takha ko yei sñaw ki khynroo khyllood kiwa em bait hapoh ka jylla wei kiwa yooluti wow yoh kreh na ka sorkar.
Kamtæ ka seiñ da kyntu ko ya u montri wow pait bniah yeini i bynta, wei u Director ka DHS (MI) wow pynche paidbah u yeini wa ymtoh du ya kiwa wan na baar tangwa wot kiwa da em chwa ha jylla kiwa da dep puræ ha ki kyrdan yong ki.
Chooh chooh ka seiñ da kyntu ko ya ka chnat wow lai da ka luti wa biang khamtam wow khut thap kreh khnang wa ym chah ktah ki khynroo khyllood ka jylla wei wow lait na i chah pakhot khtieh ha ki paidbah.
