Beiñ ka Judge ya ka manbei kawa paan Rs. 6 lak tam chi bnai na u kurim warim kam ka bai psa

Katkam iwi i Video wa da poor bha, da yoo ya ka Judge wa da beiñ ko ya kawi ka manbei kawa paan bai Maintenance (bai psa) hadooh Rs. 6 lak tam chi bnai na u kurim warim ko.  

Ha ini i Video da yoo ya ka Judge ka Karnataka High Court wa da chrai ko ya kani ka manbei wa da paan bai Maintenance ko hadooh Rs. 6 lak na u kurim warim ko lyngba u muktiar yong ka.

Chooh chooh kani ka Judge da kylli ko leh ya i daw wa paan hadooh kat deini ka poisa chi bnai. 

Da pynche wa kani ka kani ka bai Maintenance kawa Rs. 6,16,300 chi bnai kynthup ko ya Rs. 4-5 lak neibynta i kjut khliehkyrsu wa i bai sumaar, Rs. 15,000 ka bai juti wa ki sula, Rs. 60,000 neibynta i baam wa kawi won neibynta ka bai baam cha lait cha dukan.

Related posts

Pynhaap pyrda ka Tpep Pale Government L.P. School yei lehkmen dap 50 snem

November 13, 2024

Kyrchaan sa ki khynnah ka NEHU-Tura Campus yei yakhih

November 12, 2024

Neiliang u muktiar kani ka manbei da ong u wa u kurim warim ko da pynbor u wow riam ko da ki sula wa sy’at dor (Branded) wei ini toh i daw wa paan ko ya ka Maintenance wa heh. Da kdaw u leh wa u kurim ko jooh pynsap u ya kam kini ki sula sy’at dor kam ka sula Calvin Klein kawa Rs. 10,000 kawi najrong ki khadu ki kpieñ wa kiwi kiwi. 

Neiliang kani ka Judge da ong ko leh wa lada kwah kani ka manbei ya kat kani ka poisa chi bnai, kani ka manbei da toh u sdang kreh noh ko ymtoh deiwa yang du ha u kurim warim. 

Chooh chooh ka Judge da ong wa ini toh du wow chim kabu ya ka yung bichaar.