Jowai: Ka Khasi Students Union Jaiñtia Hills District Unit da dap ko da i mynsien wa sñiawsih hajrong i jia chah pynyap dusmon yong kawi ka manbei kawa naka dong Neinchnong Mihmyntdu ha uwi u bru wa da chah pynbaad wa pynyap u pyn yaka kurim yong oo wei da noh u leh ya u khon wa 7 snem cha ka wah wa em hajan ka chnong kawa em ha u sarok Jowai Bypass wow murieh ya i kaam sih yong oo.
Ka seiñ da beiñ joor ko ya ini wa leh yong uni u bru u wym em de i mynsien bru ha oo.
Ka seiñ da ong ko wa ini da pynkhyrngiat ko ya waroh kawi ka jylla hajrong ini i kaam thrang snam yong u tai u bru u Fortunate Pala uwa man leh u kurim kawa yap.
Kamtæ ka seiñ da dawa ko na ki bor ka aiñ wow kem smat wei wow pynchitom deiwa eh ya kam kini ki jait bru wei toh leh wow pyndooh jait ya ki na ka imlang sahlang, pynkut ka khubor na u President yong ka District Body u Ohibait Dkhar.
