Beiñ ka KSU-JHDU yei kem kulmar ki pulit neiwa jia ha Shohshrieh

Jowai: Ka Khasi Students Union-Jaiñtia Hills District Unit da beiñ joor ko ya ki pulit ka East Jaiñtia Hills yei kem kulmar ya ki bru paidbah kiwa antaad wei mutdur wa emkti hei jia ha Shohshrieh, EJH.

Ka seiñ da ong ko wa i kdong wei wow kem kulmar man i du kam wow pyntieñ pynsmiej ya ki paidbah deiwa pynrap ko leh wa boon ki manyung ha East Jaiñtia Hills chong syir ki nei lai kem kulmar ki pulit ya ki bru paidbah.

Kamtæ hajrong ini ka seiñ da kyntu ko ya ki pulit wow dam u kem kulmar katwa ympu ye u pynsakhiat yei emkti yong ki neibhah lada ki pulit pteiñ ki wow leh yeini daw wanrah ko yei kulmar wei i wym chong chngaaiñ de ki paidbah ka thaaiñ.

“Lada mih i kulmar nei kem khiar ki pulit ya ki paidbah, ki pulit haap chim ki i kitkhlieh yeini,” da ong ka seiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kdaw ko leh yei jia wa chah tynyap, chah dat, chah rahbor, slaitbor kiwa dooh wa duk heiwa ymjooh yoo wa ka sorkar u su ko ya ka bai lutsan namo wot wow chimkhia ko ki tangwa lada jia ya kiwa em wa dap, ka sorkar pynbiang ko liang wanang wot hadooh wow pynbiang ya ka lai lieñsuiñ wow phah sumaar ki cha baar.

Heijooh i por da kdaw ko leh wa neiliang kiwa hayung hasem u Poipynhun Majaw ymem yoh ki ya ka bai lutsan na ka sorkar iwa pynyoo yei leh chiliang khmat ka sorkar jylla.

Da kdaw ko leh yei chah tynyap uwi u bru na Block 2 dang ha kini ki kajiak bnai heiwa ka sorkar ym em e yarap ko, tangwa i yarap da wan pathan i na Karbi Anglong.

“Hawa kamni ymtoh mo wa leh arsap ko (sorkar) ya kiwa dooh wa duk?” Da kylli ka seiñ.

Kamtæ ka seiñ da dawa ko na ka Sorkar wa toh u pait salonsar ko ya waroh kiwa chem chitom sñiawsih, ymtoh wow e yarap du cha kiwa rap mihkhmat.

Ka seiñ da kylli ko leh wa neiyi i daw wym ekti ha ka CBI wow takit yeiwa jia ha Mookhep, i chah siat yap ki 4 ngut ki Khasi ha ki Pulit Assam ha Langpih, i chah tynyap uwi u waheh ha Block 2, i chah tynyap u Poipynhun Majaw ha Khliehriat?

“Waroh kini kiwa da jia man ki ki doh ki snaam ki yong i, tangwa neiyi i daw wym chimkhia lang waroh, neiyi i daw wa chimkhia du yeiwa jia ha ShohShrieh” da ong ka seiñ.