Ka Khasi Student Union-Laskein Circle haka kyrwoh wa da pynlait da u Ioolang Lathong, Publicity Secretary, da beiñ joor ko ya ki bru damok, ki bru thrang snam kiwa da emkti wow dung pynmynsoo ya uwa naka chnong Biar uwa tip pyrtuid kam u Kenny Papang wei ha i jooh i por da thang dusmon ki leh yaka kari wa yah u Kenny hadooh wa iñkhaw plak.
Neiliang ka seiñ da pynsñiaw ko yei sñiawkhia hajrong i roi ki kaam sih haka thaaiñ wei ha i jooh i por ka seiñ da kyntu ko yaki bor ka aiñ wow thooh hadooh wa da chem ya kitu ki bru wa emkti wei wow pynchitom yaki katkam ka aiñ khnang wa kam ini i jia ym jia de i hapoh ka thaaiñ ka yong i.
Ka seiñ da ong ko leh wa lada kitu kiwa emkti lada leh ki ya katai ka kaam na kiwon kiwon ki daw toh u leh da ki luti ka aiñ ym deiwa thmu u chim yei mynsien wa kordor yong u bru.
