Neiliang ka Khasi Students’ Union Mawkynrew Circle da dap ko da i sñiawkhia hajrong i jia wa da jia ha Lad Mawlang hadien wa ki khynroo kiwa toh ki paradoh parasnam kiwa liwan na i laike cha Syntung ha i janmiet yong ka 8 tarik kawa da poi hadooh wow chim noh ya iwi i mynsien bru.
Neiliang ka seiñ da beiñ joor ko ya ini i jia khamtam ya kitu kiwa emkti wow pynchit ya ki paidbah. Da kyntu joor ya ki paidbah yong ka thaaiñ wym toh u ngait biej du nei pynchit yong ki kattu katni ngut ki bru wa kwah snam khlem da tip yei sakhiat khamtam dooh hawa yatoh wa ki paradoh parasnam yong i.
Ka seiñ da pynsñiaw ko leh yei sñiawlem cha ka manyung yong u khynroo wa da dooh yei mynsien wa kitu kiwa da chahktah na ini i jia wa chyrkhei. Neiliang ka seiñ tyrwa ko leh ya waroh wow ya krehlang neibynta ka chongsuk chongchngaiñ hapoh ka thaaiñ waroh kawi ha kawon kawon ka liang.
Discussion about this post