Jowai: Ka Khasi Students’ Union (KSU) Central Executive Council da beiñ joor ko ya i chah tynyap u President ka Jaiñtia Youth Federation (JYF) u Poipynhun Majaw ha ki damok ha ka 20 tarik uni u bnai.
Ka seiñ da ong ko wa kam ka seiñ kawa em i kitkhlieh neibynta ki paradoh parasnaam khamtam kitu kiwa yieñ ha ka yurim wow kreh neibynta ka khia ka chon ka jaitbru, ka seiñ da pynsñiaw ko yei mynsien sñiawsih wa khroo hajrong ini iwa jia neibhah wa uni u President da yieñ u neibynta ka jaitbru.
Ka seiñ da kyntu ko leh ya ki bor sorkar wa ki bor ka aiñ wow chimkhia wow chemdien ya kiwa emkti ha kani ka kaam.
Heijooh i por da kular ko wow ya emlang waka JYF timun tidiang lada emkaam ko ya ka seiñ khamtam ha kam kini ki por.
Kani toh katkam ka khubor na u General Secretary ka KSU u Donald V. Thabah.
Discussion about this post