Ka Mawlai Town Dorbar ynne ka sngi ha ka yalang da rai ko wow beiñ ya i klam paidbah u Sylvester Kurbah uwa man u Rangbah Shnong ka Mawlai Phudmuri, heiwa da ong u wa ki Rangbah Shnong ka Mawlai toh ki dalal ka sorkar.
U President ka Mawlai Town Dorbar, u SD Khongwir da ong wa ki Rangbah Shnong sñiawkhia ki ya i klam u Kurbah neibhah wa da pynhiardor i ya waroh ki Rangbah Shnong, deiwa ong leh wa lada pynbaad u kamni ya ki Rangbah Shnong ka Mawlai wa man ki kam ki dalal pynyoo i wa oo leh man u kam uwi na ki.
U Khongwir da ong u leh wa ymtip u yei daw wa pynman ya u Kurbah wow klam u kamni boi neidaw wa chongchit donhi u wa em ki paidbah næ wa da jooh yakhun Election u nachwa wow yoh Vote.
U President ka MTD da ong u leh wa lada u Kurbah wan u cha ka MTD da man ko kawa smat wow pdiang yaklam wow pynbait wa oo tangwa ka MTD ym pynbor ko ya oo.
