Ka Meghalaya Veterinary Services Association (MVSA) Apex Body, haka yalang wa da pynman jhan da ka Central Executive Committee ynne ka sngi, da beiñ ki yei leh embor u Rejender Kumar wa uwi won u kiwa man kam ki BSF iwa da jia ha Lakroh Shiv Mandir, Hawai Tilla, West Jaiñtia Hills District haka 11 tarik uni u bnei heipor 12:05 pyrdi sngi.
Heini wa jia uwi na ki dkhot ka MVSA uwa tip kam u Dr. Seiboklang Buam, AH & Veterinary Officer, Muktapur Veterinary Dispensary, Amlarem Sub-Division da chah phah pynlooid sula wei phah paan maap oo deiwa ngooh na kjat wei da maham leh wow siat ya oo deiwa taan cha Zero Point.
Neiliang ka Association da ong ko wa da chimkhia bha ko yeini wa jia wei daw lai rah ko yeni i kaam cha ki heh dooh ki BSF, Meghalaya Frontier wym toh de u jia i iwa da ktah pha ya uni u dkhot ka seiñ wei da dawa leh wow paan maap ki BSF deiwa e dei thoh deiwa kular wym jia de kam ini i kaam wa dai sarom ya ki bru.
Ka kyrwoh na u President wa General Secretary, MVSA, Shillong.
Discussion about this post