Beiñ ka NBAJAC yei rai samen u President ka SWSEJHD heiyatoh ka C&RD Block ha Wapung

Jowai: Ka Narpuh Border Area Joint Action Committee (NBAJAC), ka synjuk ki Waheh Chnong wa ki Secretary Chnong yong ka thaaiñ Narpuh da phylla ki wa mih ka khubor wa ong wa kyntu ka Synjuk ki Waheh Shnong East Jaiñtia Hills District (SWSEJHD) wow pynneh ya ka C&RD Block ha Wapung.

“Hajrong kani ka phang neiliang ki Waheh Chnong ka thaaiñ Narpuh Border Area ymtip ki ya ka rai ka SWSEJHD wow pynneh ya kani C&RD Block ha Wapung neibhah i leh kam ki Waheh Chnong yong kani ka thaaiñ Narpuh Border da em i ha kani ka SWSEJHD,” da ong u D. Lamare, Secretary, NBAJAC.

Ka seiñ da ong ko wa kam ka synjuk da pynrem joor ki ya ini i leh samen u President ka SWSEJHD uwa man leh kam u Waheh Chnong ka Wapung Skur.

Heijooh i por ka da kyntu wa neini ymhoi de u chim ya ka rai samen heiyatoh wa i pyrtuid ka synjuk neibhah wa ka synjuk ym man ko ka yong ki bru samen donhi.