Ka Shillong All Faith Forum (SAFF) da beiñ joor ko yei chah tympra, chah pynsih i motdur ka Blai Kali ha Boothnath Kali Mandir, Mawbah Shillong ini wa dep deiwa ong wa ini toh i kaam leh damok iwa khlem da pyrkhat de.
Da ong leh wa lada ym pyrkhat wei lym sñiawthooh ya ini wa jia daw ye i wow kynroi yei sñiaw yaphær jaitbru wei daw pynjoor yei chongchit niam wei ya kiwa emkti toh u leh yeiwa emkaam da kiwa em hei bor.
Ka Shillong All Faiths Forum deilang wa kiwa mihkhmat yong waroh ki jait niam da pynsñiaw ki yei wym sñiawsuk yeini wa jia ha Shillong. Da khut leh ya kiwa yahkhmat ka imlang sahlang wow paitbniah ki yeini yow chem ya kiwa emkti wei wow yarap u ya syllok ya ki.
Da ong wa deiwa leh kamni daw wanrah ko yei suk i saaiñ ha ka imlang sahlang. Heijooh i por ka SAFF da kyntu ko leh ya ki bor wa em ha ka aiñ wow kreh chitom ki wow e yada ya kini ki thaw kamjooh kiwi ki thaw wa da jooh jia ki kaam tyngkheiñ aiñ.
