Jowai: Ka Seiñkhihlang wa ka Seiñ Kyntu Seiñ Raij 12-Daloi da beiñ joor ko ya ki damok kiwa lai thombor ya u loom tlep-bru ka Sengkhasi Mawlaingut kawa haap hapoh ka BPO Lumdiengjri East Khasi Hills District.
Ini toh iwa jia haka 20-10-20 heiwa da em ki bru kiwa da wan wow thombor ya ini i thaw heipor 3 waje i sngi heiwa da pam da tympra ya iwa kær ya ini i thaw, kamtæ neiliang yong Seiñkhihlang wa ka Seiñ Kyntu Seiñ Raij 12 Daloi da beiñ joor ko ya ini i leh ki damok ki wym em de yei mynsien ya sñiaw para bru, wei da kyrpaad ya ki bor yong ka aiñ wow thooh wei wow kem wow pynchitom ya kiwa emkti katkam ki kyndon yong ka aiñ, neibhah waka Sengkhasi Mawlaingut da dep ko wow ujor da ka FIR pyrchah ya kini ki damok ha Lumdiengjri Police Station tangwa hadooh kattæ ki bor yong ka aiñ ym pu yoh ki wow kem ya ki.
Kamtæ neiliang yong kini ki ar seiñ da kyrpaad ki ya ki bor sorkar wow chimkhia ya kani ka kaam.
Ini man ko katkam ka kyrwoh wa pynlait u S. Sari, Publicity Secretary yong ka Seiñkhihlang wa ka Seiñ Kyntu Seiñ Raij 12 Daloi.
