Ka Synjuk Waheh Shnong Ri Jaiñtia (SWSRJ) da beiñ joor ko yaki damok wa kawang Petrol Bomb ya i yung sah u MLA napoh Ri-loom Jaiñtia uwa man leh u Symbood Montri Rangbah ka sorkar jylla, u Sniawbhalang Dhar.
Lyngba ka Wyrta wa da phah da u President ka synjuk, u A. Lipon, da ong u wa ka synjuk sñiadiaw ko wa jia kam ini hapoh ka Bri u Ynniawtrep wei ka akor burom para bru da hiar dor ko chawa palat kat hadooh wa ki damok u chimkti ki yaka aiñ ha kti yong ki.
Da ong u wa ka synjuk beiñ joor ko ya ini wei da kyntu leh yaki bor ka aiñ wow leh deiwa khor wei wow kdong ya kini ki damok wei wow pynchitom yaki katkam ki kyndon ka aiñ.
Heijooh i por ka synjuk kyntu ko ya kiwa chong chnong yong ka Bri u Ynniawtrep wa lada em i bakla næ i wym hun ya iwon iwon i bynta ymtoh won u chim ki yaka aiñ ha kti tang wow e kti cha ki bor ka aiñ.
Discussion about this post