Ka United Democratic Party (UDP) da beiñ joor ko yei leh embor yong ki chipai BSF ya u sahep ka sorkar Meghalaya, uwa man kam u Doctor ka chnat Veterinary & Animal Husbandry ka Muktapur Veterinary Dispensary kawa haap ha Amlarem Sub-Division iwa da jia haka 11 tarik uni u bnai iwa da poor leh ha kylleiñ ki rynsan Social Media.
Ka UDP da ong ko wa katkam ka khubor wa da mih, ya uni u Doctor da chah leh embor wei chah takit u ha ki BSF kiwa da phah leh ya oo wow looid sula u wei da maham ki leh wow siat ya oo ha Zero Point kawa man ha khappood yong ka ri India waka Bangladesh.
Chooh chooh da ong wa ini i leh yong ki chipai BSF kiwa toh u yada wei wow pynchngaaiñ ya ki bru kiwa sah ha ki thaaiñ khappood wei kam ini wa jia da dai sarom ko leh ya ki BSF wei ini i rukom leh ki man i i wym ye u pdiang.
Ka UDP ym chim stiñ ko ya ini i kaam wei daw thoh ko cha u Director General BSF waka BSF Vigilance Department yow takit hajrong ini wa jia wei wow pynchitom ya kitu kiwa emkti kiwa leh embor wei dai sarom yaka chnat sorkar yong ka jylla. Wei hei yong sakhiat kam ini ymtoh u jia wei toh u kiar khnang wa kiwa chong wa sah ha ki thaaiñ khappood u man ki kiwa sñiaw chngaaiñ.
Ka Wyrta na u Dr. Jemino Mawthoh, General Secretary ka UDP.
Discussion about this post