Ka United Democratic Party (UDP) ynne ka sngi da beiñ ko yeiwa jia ha Ichamati, Shella kamjooh ha Shillong, heiwa da khlaad le ngut ki bru.
Ka UDP da kyrpaad ko ya ki paidbah wow man kiwa jai jai wei wow pynneh yaka chongsuk chong chngaiñ.
Ka UDP da phah ko leh yaka khubor sñiawlem cha kiwa ha yung ha sem kiwa dooh yei mynsien kamjooh leh ya kitu kiwa mynsoo na ini i jai.
“I beiñ joor i ya ini wa jia, wei pynsñiaw i leh yei emlang wa kiwa ha yung ha sem wa maad ya iwa sñiawsih,” da ong u UDP General Secretary, u Jemino Mawthoh.
Ka Party da kyntu ko leh ya ki bor ka aiñ wow sonteri bha yow lait u jia biang iwa sñiawsih.
“I mih umsnam ym toh ka luti wow ye u pynbait yei sñiaw yaphær yumut, man ko kawa sih pathan. Ka Party da kyntu ko yaka sorkar wow pynchitom katkam ka aiñ ya kiwa emkti wow pynyap,”ong u UDP General Secretary.
Discussion about this post