Jowai : Ki ar tylli ki seiñbhlang kiwa kynthup ya ka Jaiñtai People Youth Movement (JPYM) wa ka Hynniewtrep People Federation (HPF) West Jaiñtia Circle, da chem ki yei kreh khaler ka Meghalaya Energy Cooperation Limited (MeECL), Jaiñtia Hills ya ki naar Post Light kiwa da jan tkut wei sap sarah ki, ini ye i u ktah ya ki mynsien bru da ong kini ki ar seiñ.
Ki wa yahkhmat ya ki seiñ kiwa kynthup ya u President u JPYM u Tenstarly Shylla wa u President ka HPF u Kiroi Chyrmang da chem dien ki yei khlem akor ka MEECL heiwa da chem ya uwi u naar post light u wa da jan tkut ha Mihyntdu Lumshyrmit uwa em hajan ki yung sah bru.
Neliang ki ar seiñ da kyntu ki ya kiwa kreh ka MeECL wow chimkhia ym du ya uni u naar post tangwa ya waroh hiwot kiwa ye u yada ya ki paidbah na iwon iwon i jia wa sñiawsih.
Da ong leh ki ar seiñ wa ki wa kreh ka MeECL emkaam ki u kylliang ya ki naar Post kiwa da jan haap.
Discussion about this post