Ka FKJGP Laskieñ Block Circle da phah ko yaka khubor sñiawlem cha kiwa hayung ki arngut ki chi payu wa dooh yei mynsien nei chah riñ ha i bordiñ ha Umsalait, West Jaiñtia Hills iwa da jia ynnin ka sngi.
Kamjooh neiliang yong seiñ da beiñ ko leh ya ki wakreh yong ka chnat bordiñ deiwa ong wa tharai neidaw i kreh du ya ka poisa yong ki, kamtæ pynmaa ko yei im yong ki bru, ong u President ka FKJGP Laskieñ Block Circle u Melamlynti Sumer.
Neiliang won ki 4 tylli ki chnat krehkaam yong ka KSU ha thaaiñ Laskein Block, kiwa kynthup yaka KSU Iooksi Unit, KSU Umsalait Unit, KSU Priang Unit wa KSU Saphai Unit, da beiñ joor ki yaka chnat pynmih bordiñ ka jylla hajrong i leh thurmur wei kreh habra yong ka hadooh wa i bordiñ da chim ko yei mynsien yong ki arngut ki khynnah wa chi payu.
Da ong wa ka MeECL toh kawa ym em man tista wow pynchna wei wow lai pait yaki chrot bordiñ man-i-por, wei ini da man ko i daw bah wa da jia ini ha chnong Umsalait hanla na ki por cha ki por da lai ood cha ki chkor yong ka chnat.
Kamtæ da dawa joor na ki bor sorkar khamtam ya u Montri ka chnat bordiñ wow su bai lutsan noh smat yaka manyung wei neiliang ka seiñ daw booddien ko ya ini i kaam hadooh wa kiwa ha yung kitai ki khynnah u yoh ki ya i hok yong ki.
