Katkam ka khubor wa da pynmih da ka Synjuk Ki Khynde Waheh Chnong Area Nongjngi wa u Donlad Shylla uwa chah kem ha ki pulit heiyatoh wa i klam khlemakor u ya ka DC ka East Khasi Hills EKH heiwa da kam ka Synjuk toh uwa na ka chnong Mukhla ym toh uwa na ka thaaiñ Nongjngi.
Neiliang won ka Mukhla Pyllun da beiñ joor ko ya ini i klam klumar ka Synjuk deiwa pynche wa uni u bru nachwa jooh sah wai hi-eh u ha Mukhla wei ym toh u tre chnong.
Da ong wa katkam wa tip, u Donlad Shylla toh uwa da kha, da heh ha chnong Pdeiniadaw wei hadien won da chongkha u ha ka chnong Ksehrynchang wei ya Vote yong oo leh da em u ha ka chnong Ksehrynchang.
Neiliang ka Mukhla Pyllun kyntu ko ya ka Synjuk Ki Khynde Waheh Chnong wym hoi u pynmih khubor klumar khlem da thooh yutip bha wei hawa kwah u pynche thooh dei yutip wa che yoh u lait i klumar.
Heiyatoh won wa i klam khlemakor u Donlad Shylla ya ka DC, neiliang ka Mukhla Pyllun da beiñ joor ko ya kam kitai ki kaam wei da booh ko leh yei kyntu ya kiwi tawon wa hap husiar hawa pynbaad, wa klam bakla ha kani ka pyrthai Internet wa ki Social Media.
Kani ka kyrwoh na u H.D. Shylla, President Mukhla Dorbar Pyllun.
