Ki chi jur da bia ki ha Kelwara Covid Centre wa em ha Bara, Shahbad, Rajasthan ha kani ka sngi Bibar wa da dep deiwa sap yaki sula yada Personal Protection Equipment (PPE) hadien wa ka kynthai poi ka COVID-19 Report ko wa da yoh ko ya uni u khñiang haka sngi bia ki.
I pyrtuid kini kiwa bia ki wym em pynbna paidbah, da rai wow lai chakhmat wow pynbia ki ha pchem ka COVID Quarantine wa em ha Rajasthan heiwa waroh kiwa embynta kiwa kattu katni ngut da sap ki yaki sula PPE yow lait nei poor uni u khñiang.
Hakhmat i diñ wa kyntang ki chi jur da pyndep ki yaka niam ka rukom deiwa sap da ki PPE rong suiñ bneiñ iwa da pynman yaka kani ka bia kawa phær bha na kiwi ki bia.
Uwa lehniam da sap u yaka PPE rong lieh heiwa da puræ yaki kyntien leh niam Hindu heiwa da tem leh yaki sur bia.
Yaka kynthai da li booh cha ka Covid Centre hadien ka wa sa uwi na yung ko da Test wa man COVID-19 Positive ki.
Ya kani ka bia da leh hadien wa da mynjur kiwa ha yung ha sem deiwa khlem leh ya kiwi kiwa boon ki lehniam.
