Biang thij thij i su ya ki ASHA, ha ki 18 bnai da pynlait Rs. 34.50 klur ka poisa- Pynche ka sorkar

Ka chnat i chait i khiah ka sorkar Meghalaya da pynche ko heiyatoh wa i yakhih ki ASHA katni deiwa dam u lai kreh khlem da booh por.

Ka sorkar da ong ko wa da chimkhia bha ko ha kini ki snem wa da lai yow ap u sñiaw yei eh i khoo ki ASHA heiwa da pynkrehkaam leh ya ka “ASHA First App” yow pyntikna wym sahteiñ i su yei nong yong ki wei ki ASHA wa kreh chitom wa da leh chiboon i kaam da yoh ki Rs. 7000 hadooh Rs. 8000 chi bnai.

Da pyntip leh wa nadooh wa sdang ya ka “ASHA First” ha u Naichiphaw 2022 da su thij thij ya ka nong kamjooh da e pyntam leh ya kitu kiwa kreh chitom. Wei ha kini ki 12 bnai wa da lai da pynlait Rs. 21.89 klur wei ha ki 18 bnai won da pynlait Rs. 34.50 klur.

Chooh chooh da pyntip wa ka poisa wa dang sah neibynta ka Meghalaya Maternity Benefit Scheme (MMBS) waka Meghalaya ASHA Benefit Scheme (MABS) kawa dapoi Rs. 53 klur kawa da sah nadooh u snem 2013 da pynlait ha waroh kawi ka jylla hapoh u snem mang tangka 2021-22.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pynkynmoo leh wa ka sorkar da su ko man-u-bnai Rs. 2000 cha waroh ki ASHA hapoh ka State Scheme neibhah wa sñiawthooh yei eh wa hap ki wow maad wei lynbga ka App wa da chna neibynta ki ASHA da yoh ki yei su hadooh man-ka-tayaaw hadien wa dep ki wow pynyoo yei kaam wa da pyndep ki lyngba kani ka App.

Ha iwi won i liang da pyntip wa ka sorkar jylla da e bor ki leh ya ki Village Health Council (VHC) wow wanrah ya ki Trained Community Nurse kiwa daw yarap bha ya kiwa chong chnong.

Kamtæ da ong wa ha kini ki 18 bnai wa da dep da wanrah ya chiboon i pynthymme neibynta i myntoi ki AHSA tangwa i maham ki wow yakhih wei i dam kreh ki da ktah bha yeiwa toh u yoh chakri kiwa chong chnong heiwa da em chisien wa yap ka manbei ha Ri-Bhoi District ha u snem 2022.