Ynnin ka sngi ka sorkar India lyngba ka chat Ministry of External Affairs da tyrwa yarap ko katwa ye ya ka China wow yakhun pyrchah ya u khñiang Coronavirus.
Hawa yaklam wa kiwa pathai khubor ha nongbah New Delhi, uwa ektien ka chnat, u Raveesh Kumar da ong u wa lada emkaam bien i (sorkar India) wow yarap katwa ye ya ka China.
Heiyatoh won wa ki khynnah wa kyntait ka Pakistan wow lithoh na sorbah Wuhan, neiliang u Raveesh da ong u wa hadooh katni ym em i kyrpaad na ka Pakistan hajrong ini.
Da pynrap u wa lada emkaam bien hi i (sorkar India) wow lithooh ya ki.
Ka India ha kani ka tayaw da wan thooh ko ya palat 640 ngut ki khynnah puræ yong ka wa 7 ngut ki khynnah ka Maldives na sorbah Wuhan, China.
Discussion about this post