Ki khynroo wa lai puræ ha North Eastern Hills University (NEHU) hapoh ka lama ka NEHU Students Union wa ki dkhot ka KSU NEHU Unit, ynne ka sngi da kær kut ki ya ka yung krehkaam Administrative Block kani ka skurbah, hadooh wa da pynman ya u Vice Chancellor, u Prof. Prabha Shankar Shukla wow mih bluit hapyrdi wa chim chuti u hadooh ka 4 tarik u Khonchonglad (Nov).
Ini i mih kini kiwa lai puræ ka NEHU toh hadien wa u VC ym mano u wow phah mih ya u Registrar, u Ret. Colonel Omkar Singh na ka yalang ka Academic Council kawa da man ha ka tayaaw wa dep, wei da dawa leh wa toh u pyndam kreh ya ki bru ki wym tip iyi iyi yei kaam ka NEHU wa kynthup ya u Deputy Registrar (Academics) u Amit Gupta.
Neiliang kiwa lai puræ da dawa ki leh na u VC wa toh u booddien u yei thung ya ar ngut ki Pro Vice Chancellor, uwi ha Tura Campus wa uwi ha Shillong Campus.
Katkam i ong kiwa lai puræ, i dawa wow em ya u Pro Vice Chancellor toh yow ye u chim yei rai wa emkaam heipor wym em u Vice Chancellor.
Da ong ki leh wa u Vice Chancellor chi mih iwon iwon i eh ha NEHU chim chuti wot u heithaw wow pynbait yei kynrum kynram, deiwa pynbaad leh wa u VC em u hapoh kamra krehkaam du 10 sngi ha ka chi bnai.
Heini wa wan mih u VC hakhmat kiwa lai puræ, da ong u wa dadep thung da ka Inquiry Committee yei rukom jied ya u Registrar wei ye u man wa leh chiliang u heitu i por wei heini wot kbai ki khynroo wa leh chiliang u deiwa ong “VC Biased”.
Da kbai ki leh ki kyntien wow dawa hiar chuki noh u.
Discussion about this post