Jowai : Ynne ka 4 tarik heipor kamwa 11 waje i miet kawi ka truck da tyrrah ko ya uwi u nar post light wa em ha Police Point, Jowai uwa da yada leh ya ki dukan wa tip kam i P.M. Textile.
Ha ini i jia kani ka truck wa 12 chaka kawa em u No. AS 01 SD 0991 da tyrrah chwa ko ya u nar post light uwa da kheiñ wei da pat u chilliang hadooh wa ki wire light da pat ki cha khyndaw. Heijooh i por ki chaka khmat kani ka truck da lait ki na ka.
Hadien ini i jia uwa yah ya kani ka truck kamjooh uwa yarap ya oo da yut ki neini i thaw. Kani ka truck toh kawa wan na ki liang Silchar namo Ladrymbai neibhah wa wan ko na i liang Ladthadlaboh.
Kamwow pynkynmoo ha ini i thaw katwa joor ware i dong u sarok dei langær jia i tyrrah ki truck ya kini ki dukan.
Hadooh wa e ya kani ka khubor ym pu tip yi wa yah ya ka truck weiwa uyi u tre yong ka wa kiwi kiwi.
Kiwa sakhi yeini mar ya dep jia ini da mih ki cha lait wei da ong wa ym em wa mynsoo lait na u post ka MeECL uwa da dor.
Neiliang u wyrta daw booddien i ya kani ka khubor.
Discussion about this post