Jowai : Ynne ka sngi ki paidbah ka Nartiang da bom yonglang ki ya u wi u bru wa tip kam u Wan O Dhar hadien wa kynnoh kawi ka kynthai oo kam uwa slaitbor ka.
Da pyllait im ya oo da kiwa heh ka chnong kiwa murieh ya oo hapoh ka ophis ka Dorbar Chnong yow lait na ki paidbah kiwa dap dei chrai yeiwa leh uni u bru. Wei da kit ya uni u bru cha Jowai Police Station pyn ynne i sngi.
Uni u bru leh da phla u wa da slaitbor u ka katai ka kynthai wei uni toh uwa emkti ha kiwa boon ki kaam be-aiñ heiwa da tipmit bha ki pulit oo neibhah da boon case bha u.
Ya ini i kaam slaitbor da leh u ha ka miet yong ka 30 Naikhynde 2016 heiwa da taan yabor u ya kawi ka kynthai na sarok heipor wa dang chong ngiah ko harood sarok ha jan i chnong Nartiang.
Da maham u leh wow ah u yow radang ka tai ka kynthai lada awri ko. Da taan u ka chapoh iwi i trep heiwa da slaitbor u ka. Kani ka kynthai da yoh laad ko u yut hadien wa yoh thiah u wei da chem ya ka heipor 1:50 i step.
Discussion about this post