Da u: Daohi Manar
Para khynroo-khyllood, khynthai-chynrang,
Alæ! Chirup ham chah chakæ næ chah phalang,
Nongmuna wa bha to chdooh to yah,
Yow ly’oh wa doom ham ieh u wan kah,
Yow phooh u phieñ phi hei manbru,
Ham yindong i sñiaw to pyrkhat yillu.
Ya ka mynried, u seiñdur nadooh myntu,
Duhai yow lait nei chah beiñ ne chah mynthu,
Sajiar-syndong na ki kaam thala,
Pynchkeh ki tyrpaiñ, to pyn-eh ki tympha,
Nei kiad, u bhang wow drok wymhoi,
Hei miat i bha tæ yoh phi u poi.
Kylla i por, na i warim chei thymme,
Alæ! Yei sih ham bood yongton, ham bood late,
Pana paan, pana wa yieñ pana toh,
Cha ka bhah ka nasib ham ya kynnoh,
Ham khlot hawa sñiaw, ne thlah hawa yoo,
Yei sneiñ i kroo ka bei u pa, to ksoh kynmoo.
Related posts
Hajar jait ki rong, da booh uwa najrong,
Jar la i burom-akor, to ri syndong,
Ki eh hei jingim u yieñ yaleh,
I diñ wa r’hi, ham ieh u plæh,
Pait to bood yei man i long u t’khu,
Ham kdaw kti para i, to ya sneiñ ya kyntu.
Pyrchang yong i im sngi du hei bha
Panchniat ksiar i burom u kup u deiñ waroh chi rta.
