Shillong: Ka Hynniewtrep Youth Council (HYC) da booddien ko yei yoh ST Certificate ki ar ngut ki bru wa tip pyrtuid kam u Varun S Lyngdoh waka Sheena S Lyngdoh, hanlada dadep e kti noh ya ki ST Certificate wa yoh ki na ka yungkrehkaam u Deputy Commissioner ka East Khasi Hills hadien wa rai da ka Registration Authority ka KHADC wa kini waroh ar ngut ymtoh ki Khasi.
Kini ki ar ngut toh ki khon u Shyam Singhania waka Pearl Lyngdoh kiwa chong wa sah ha Dhankheti, Shillong.
Ini i boodien yong ka HYC toh wa neidaw wa hadien wa kini ki ar ngut da ekti noh ki ya ka ST Certificate tangwa hadooh katni ympu em pyndooh noh ya ka dulir wa ki da yoh na ka yung krehkaam u DC.
Hawa yaklam wa kiwa pathai khubor hadien wa yachem ki ya ka Chairman ka Screening Committee kawa man leh ka ADC, ka I. Majaw, neiliang u Robertjune Kharjahrin da ong wa ka bichaar wow pyndooh noh ya kitai ki ar ngut wow yoh dulir ki da lai ko chakhmat wei ka Screening Committee da khut ko leh ya ka bei ki, ka Pearl Lyndoh wow pynsakhiat yei man Khasi yong ki khon yong ka ha ka 17 tarik u Naitung uni u snem, tangwa neidaw wym ye ko u wan, ka Committee da booh por ko wow khut biang ya ka ha ka 30 tarik uni u bnai wow bichaar ya kani ka kaam.
U Robert da khut u leh ya waroh ki kur Lyngdoh wow mih ki chakhmat wow pyrchah ya ini i chim kabu wow kam kur khlem iwon iwon wow pynsakhiat.
Also Read: Chah pyndam i man Khasi u Varun wa ka Sheena
Discussion about this post