Ka sorkar pyrdi lyngba ka chnat i chait i khiah namo ka Ministry of Health & Family Welfare (MH&WF) hadooh ynne ka sngi dang pteiñ ko u sylli ya ki bru wa wan ym du na China tangwa wot na Singapore, Thailand wa kiwi kiwi.
I sylli ya ki bru wa wan na kini ki ri da pynman ha waroh ki 21 tylli ki Airport, kamjooh leh ki International Seaport wa ki Border Crossing.
Hadooh ynne ka sngi da sylli hadooh 1818 tylli ki lieñsuiñ (flight) wa kit ya ki 1,97,192 ngut ha ki 21 Airport.
Ka MH&WF da tyrwa yarap ko leh ya waroh ki jylla wa ki Union Territory wow yada u yakhun pyrchah ya u khñiang Novel Coronavirus.
Da ong ko katkam wa man katni em 9452 ngut ki bru ya kiwa dang booddien yei man i long yong ki ha kylleiñ ka ri.
Heijooh i por da ong ko wa hadoh 1510 tylli ki sample wa dadep test hapoh ka ri wei na kini du 3 tylli donhi kiwa da tikna wa em ya uni u khñiang wei kini ki bru toh kiwa na Kerala.
Discussion about this post