Hadien wa chah pynyap kawi ka khynnah ha Sohkymphor, East Jaiñtia Hills District, neiliang kiwa ha yung deilang wa ka JSM Women’s Wing dang booddien ki hajrong ini heiwa da paan leh yaka Report naka chnat pulit haka 21-12-2020.
Ka seiñ da ong ko wa ym chong kli kti ko hajrong ini wa kiwa ha yung ha sem wow dawa kem chisyndon na u SP ka East Jaiñtia Hills District yow kem wei pynchitom ya kiwa emkti.
Chooh chooh neiliang ka seiñ ka phylla ko wa ya kiwa tooh da ye wow kem hapoh 24 kynta katwa ya kam kini ki bru wa leh ya ki kaam bru khloo ym ye wow kem.
Neiliang ka seiñ wa kiwa ha yung ha sem da ong ki wa lada ki bor ka aiñ ym ye ki wow kem, daw ujor ki cha kiwa haneiñ yow yoh ka khynnah skur yei hok yong ka.
Heijooh i por ka seiñ da beiñ joor ko ya ki damok ki wym em de yei mynsien bru wow leh ya ki kaam wa boonjait ki wym pyrkhat de ya ki kynthai yong i yow yoh yei hiar pateiñ, ong ka kyrwoh naka N. Dkhar, General Secretary, JSM Women’s Wings.
