Booddien ka JSM ya ki 34 tylli ki dukan wa khang ka seiñ ha Tongseng

Jowai: Ynnin ka sngi neiliang ka seiñ JSM-ER da lai sylli biang ko ya ki dukan wa em ha ka thaaiñ Tongseng, EJH wei da chem ko wa u Waheh Chnong ka chnong da e NOC u ya ki dukan wa chah khang wa paan Trading License ki heijooh i por da phah wai biang ya kini ki dukan.

Sa chisien ka seiñ da maham joor ko ya ka JHADC wow husiar wow e ya ki Trading License wei da kyrpaad ko leh ya u CEM hapoh ka Council wow sangeh chwa wow e ya kani ka License ya ki baar jylla khnang wow lait u mih iwon iwon i awri awra hadien habood.

U President ka seiñ, u Shnalad Rymbai da pyntip u waka seiñ daw hiar biang ko wow kynreh ya ki kot ki sla ki dukan wei lada chem ko wa em i duna daw beh noh ko ya kiwa leh pyrchah ya ini.

Da pynrap u leh deiwa ong wa lada em kiwon kiwon ki Pnar wa bah jamin namo wa pynchah pyrtuid ya kini ki baar jylla daw pynchitom leh ya ki kamjooh.