Booddien ka KSU-JHDU ya i chna ya ka Entry & Exit Point ha Malidor

Jowai: Ha ka 9 tarik uni u bnai kiwa kitkaam ka KSU Jaiñtia Hills District Unit (KSU-JHDU) hapoh i yahkhamt u President u Ohibait Dkhar wa u Albinus Lamurong General Secy. da lai yachem ki ya u Deputy Commissioner ka East Jaiñtia Hills District hajrong i wym chimkhia wym mano ki bor sorkar wow chna ya ka District Task Force katkam ka Clause 5(1) yong ka Meghalaya Resident and Security Act 2016 wa i suki wow pynlai bait ya ki kaam wa yatoh wow chna ya ka kyrdop sonteri namo ki Entry & Exit Point ha Malidor.

Ka KSU da paan ko ya i pynche hajrong ini i suki heiwa u Deputy Commissioner uwa dang chimkti da kular u wow chimkhia wow boodien ya kani ka kaam wei wow e jubab hapoh chi tayaw.

“I burom i ya i kular u DC tangwa lada ym em iwon iwon i mih soh namo wow lai ki kaam chaphrang, ka seiñ u sdang ko wow wai da kiwi ki luti,” ong u Ohibait.

Heijooh i por kiwa yahkhmat ka KSU-JHDU da pynsñiaw ki leh hakhmat u DC hajrong wym kohngooh ki bru wa chim kabu yei mana ka sorkar wym hoi u ki palat 9 Ton ya ki Truck wa lai lyngba ka yingkieñ Ri-Manar kawa da pynyoo ya ki dak wa da piah ko.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u DC, da sñiawkhia u yei chitom ki paidbah wei da kular wow lai sylli lang ya kani ka kaam deilang wa ki bru na PWD, kiwa yahkhmat ka seiñ wa kiwa yahkhmat ka chnong.

“Kani da man ko ka sien wa ar wa i da lai booh i ya ka dorkhat ha u DC  wei da em leh ka ujor na kiwa yahkhmat ka chnong Samasi wa kiwi leh hajrong i maa wa yang lada kani ka yingkieñ kheiñ ko,” da ong u Albinus Lamurong.

Kani toh katkam wa pyllait khubor na u Laitphar Syngkrem Publicity Secy. ka KSU-JHDU.