Booddien ka KSU yei kular u CEM ka KHADC wow chna pynmiat ya u sarok Nongstoin Mawthabah Wahkaji wa T. 25 klur

Shillong: Ka Khasi Students Union seiñbei hapoh i yahkhmat u u president, u Lambokstarwell Marngar da lai yachem ko ya u CEM ka KHADC, U Pynshngain N Syiem wow booddien yei kular u Syiem wow chna pynmiat ya u sarok Nongstoin Mawthabah Wahkaji kawa da mang na ka Special Assistant Grant kawa T. 25 klur.

Hawa yaklam wa kiwa pathai khubor u Lambok da ong u wa i lai yachem ka KSU toh wow kyntu ya u CEM wow chna pynmiat ya uni u sarok kamwa da kular u wow myntoi ki paidbah.

Da ong u wa ka seiñ da yoo ko yeiwa da pyrchang ka Council wow pynman yeini deiwa thoh cha ka Public Works Department wow paan ya ka NOC wow pynkreh ya uni u sarok da ka poisa ka Council, tangwa neidaw wa kyntait ka PWD wow e NOC neibhah wa ki sarok toh em ki hei pait i yoo ka PWD kamtæ uni u sarok da sahteiñ i chna pynmiat ya oo.

Da ong u wa i pynneh wei i yataan tylle hapyrdi ka PWD wa ka KHADC da pyndooh myntoi ko ya ki paidbah, deiwa kyntu wa emkaam wow pynjem chilliang yow myntoi ki paidbah ka thaiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong chooh chooh u wa ka KHADC toh u e ko ya kani ka poisa cha ka PWD wow chna pynmiat ya uni u sarok na ka mang tyngka 2017-18 yong ka KHADC neibhah ka KHADC ym em poisa de ko na ka bhah yong u snem 2015-16.

U Lambok da pyntip u wa neiliang u CEM da kular u wow pynsmat noh u yeini i kaam khnang wow yoh ya ka poisa na ka sorkar, wei manda yoh ya kani k poisa daw ekti ya ka cha ka PWD.