Jowai: Ka War Jaiñtia Youth Council (WJYC) ynne ka sngi da lai yachem ko ya u DC yong ka West Jaiñtia Hills District hei emlang uwa e buit ka seiñ u D. Donstan Khonglah heiwa da kyrpaad da kyntu ya oo wow tuklar u hei yatoh wa i dooh bordiñ ha chnong Bakur kattu la 3 bnai.
Ka seiñ da ong ko wa ym yohsa ko wow leh ya ini neibhah ki bor ka chnong dadep kyrpaad ki na u EE ka MeECL wow chimkhia u ya ini tangwa ym em leh u iyi iyi leh hei yatoh wa ini wei ha ka Public Hearing Audit wa pynman ha ka 22 tarik u Khonchonglad (Nov) heiwa da kular u hakhmat ki sahep waphær waphær hei emlang ka SDO (Civil) Amlarem ka J.U. Kharpuri wa ha khmat ki paaid wa chong chnong ka Bakur da kular wow pynpoi Transformer hapoh chi tayaw tangwa hadooh ynne ka sngi leh ympu em i dak wa da leh yeiwa da kular u.
Ka seiñ da pyntip ko wa neiliang yong u DC da kular wow phah pynpoi smat u ya u Transformer ha chwa ka Christmas ha katai ka chnong.
Ka seiñ da booh dorkhat ko leh ha u EE MeECL u K.K. Raswai.
Discussion about this post