U montri ka wa pait ya ka chnat Food, Civil Supplies and Consumer Affairs Department, u Comingone Ymbon da khut yalang u ha ka Main Secretariat Conference Hall ya ki sahep ka chnat chirrup wa ki District/SDO ynnin ka sngi wow booddien ya i krehkaam ka chnat.
Ha ka yalang da yaklam hajrong ka One Nation One Ration Card (ONORC), ka Aadhaar Seeding, Electronic Point-of-Sale (e-POS), i krehkaam ki FPS GPS Coordinates wow booddien ya i lai ki marbaam ha ka jylla, wa kiwi kiwi.
Ka One Nation One Ration Card da pynkrehkaam ha waroh kawi ka jylla khnang wa kiwa myntoi na ka NFSA u ye ki u chim ya ki marbaam yong ki na kawon kawon ka Fair Price Shop ha ka jylla wa ka ri deiwa e ya ka Aadhaar Number katkam ka PDS Database.
U montri da kyrpaad u wow pynemkaam ya ki kor ePOS ha ki Fair Price Shop khnang wow yoh myntoi ki khlem pep.
Kam wow kdaw heini ka Food, Civil Supplies & Consumer Affairs chirrup wa ka United Nations World Food Programme da pynkrehkaam ki ya ki stat wa katni wei u montri leh da kyntu u wow pynman ya ka Public Distribution System kawa krehkaam bha wei kawa khooid.
