Booddien u Dr. Harsh Vardhan yei pynkhreh ki jylla thaaiñ mihsngi wow yakhun ya u COVID-19

U Dr. Harsh Vardhan, uwa man u montri ka sorkar pyrdi uwa pait ya ka chnat i chait i khiah ynne da booddien u yei man i long ki jylla ka thaaiñ mihsngi heiyatoh wa ka khlam u COVID-19, ha ini i booddien da emlang leh u montri khynnah ka chnat, u Ashwini Kumar Choubey. 

Ya kani ka yalang wow booddien da leh lyngba ka Video Conferencing heiwa da chimbynta da ki montri ka chnat i chait i khiah wa ki sahep ka chnat yong ki 8 tylli ki jylla ka thaaiñ. 

Ha kani ka yalang da pynsñiaw yei eh i khoo wa yachem ki heiyatoh wa ki thaw Test, i man i long ki thaw sumaar, i booddien ya ki bru wa yajan wa kiwa yoh ya u khñiang wa kiwi kiwi wei neiliang u Dr. Harsh Vardhan da pyntip u ya ki kaam wa da leh ka sorkar pyrdi heiyatoh wa i yakhun ya kani ka khlam. 

Da ong u wa ka sorkar pyrdi wa ki sorkar jylla emkaam ki wow yakreh lang chirup wow yakhun ya u COVID-19 deiwa pynrap leh wa ka sorkar pyrdi da kyrchaan yarap ko kam ki Masks, Personal Protective Equipments, Ventilators wa kiwi kiwi cha ki jylla. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da kyntu u ya ki sorkar jylla wow pyntikna ki wa kiwa khih mylla, ki khynnah puræ wa kiwi kiwi kiwa wan na baar emkaam wow sylli (Screen) yaki wei wow bood ya ki kyndon ka Ministry of Health and Family Welfare wa ka Ministry of External Affairs.

U Dr. Harsh Vardhan da kyntu u leh ya ki jylla wow pynjoor ya i sylli khamtam ha ki District kiwa ym em u chah ktah wei wow pynchlur ya ki paidbah wow Download ya ka App wa tip kam ka ‘Aarogya Setu’. 

Ya ki jylla kiwa em u pood wa kiwi ki ri, da kyntu u ya ki wow chimkhia ya i kaamram yong ki wow yada ya ki thaw khaappood wei wow Screen ya ki bru kiwa wan psiah chapoh jylla wei wow chong-kset ki katkam ki kyndon ka sorkar. 

Heijooh i por da kyntu u leh wa ki kaam wow e dawai ya ki kynthai wa pun-khon, i pynjoo dawai (Immunization), OPD/IPD, i sumaar ya kiwa yoh TB wa kiwi kiwi ymtoh u sangeh i. Da pyntip leh ya ki jylla wa em u Helpline Number 104 wa u 1075 wow pynemkaam ki heiyatoh wa iwon iwon i wym em bynta wa u COVID. 

Chooh chooh da kyntu u ya ki jylla wow khang wow mynthu ha ki thaw paidbah kiwa ye u yarap wow khang yei poor u COVID-19 deiwa yaroh leh ya ki jylla kiwa da khang wow dih wei wow baam duma.