U Lat ka jylla, u Satya Pal Malik ynne da booddien u na ki khlieh ki chipai wa kynthup ya ka Army, Air Force, Assam Rifles, BSF wa CRPF ha Shillong heiyatoh wa i pynkhreh wow yakhun ya ka khlam COVID-19 wa kiwi ki kaam wa da leh ki kamjooh leh i man i long ki Hospital wa ki Quarantine Center, ICU wa i em ka Oxygen ha kini ki thaw sumaar.
Ya ini i booddien da pynman katkam i tyrwa u montri ka chnat yada ri wow pait yei pynkhreh ki chipai wa i yakrehlang hapyrdi yong ki.
Neiliang u Air Marshal Amit Dev, AOC HQ EAC yong ka Air Force, u Lt. General K C Panchanathan, GOC, 101 Area, Army, u Major General SS Deusi, Assam Rifles da emlang ki ha ini i yalang booddien hei emlang ka Sonal V Mishra, IPS, CRPF wa u D Haokip, DIG, BSF.
Neiliang ki chnat chipai ka ri da pynsñiaw ki yei mynsien wow e kyrchaan wei yarap lada jia wa emkaam jhan (Emergency Situation) heiyatoh wa i yakhun ya ka khlam.
