U montri rangbahdooh ka ri, u Narendra Modi ynne ka sngi da yaklam u wa ki montri rangbah ki jylla ka thaaiñ mihsngi hajrong i man i long ka khlam COVID-19 ha Nagaland, Tripura, Sikkim, Meghalaya, Mizoram, Arunachal Pradesh, Manipur wa Assam.
Ha ini i yaklam lyngba ka Video Conference da embynta leh u montri ki kaam yada ri, i chait i khiah, kaam pohyung ka ri, DONER wa kiwi kiwi.
Neiliang ki montri rangbah da pyntip ki yei man heiyatoh wa i e tika wei kamjooh i artatien ki bru wow chim tika wei kamjooh kammon da pynbha ya ki thaw sumaar lyngba i yoh yarap na ka PM CARES Fund.
Neiliang u Modi da yaroh u ya ki bru, kiwa kreh ha i chait i khiah wa ki sorkar jylla wa da kreh chitom ki wow pyndooh ya ka khlam.
Da sñiawkhia u leh ya i ku kiwa yoh ya uni u khñiang ha ki kattu katni ki District wei da emkaam wow chimkhia yeini.
Hajrong i smat kylla (Mutate) uni u khñiang khlam, u Modi da phah u wow booddien ya kini ki jait khñiang deiwa pyntip wa ki bru wa chemphang dang puræ ki yei man i long kini ki jait wei kammon ktah ki deiwa kyntu ya waroh wow bood bait ya ki kyndon yada COVID-19.
