Ka Khasi Student’s Union (KSU) hawa yachem ya u CEM wa ka Executive Committee wa thymme ka KHADC da pynkynmoo ko ya kiwa boon ki mat ki wow yada ya ka jaitbru, wa kynthup wow dam u e laad la man katwa man wow yoh tih Uranium, wei ymtoh wow e bor neibynta wow chna ya ka luti rel, wei wym toh u e thaw sah ki chipai.
U Lambokstarwell Marngar kam u President da ong u wa heiyatoh wa ka luti rel ka seiñ da klam che ko cha ka District Council wa ymtoh u e bor ya kiwon kiwon ki NOC katwa ka sorkar India ympu pdiang ko wow pynkrehkaam ya ka ILP ha kani ka jylla.
Da ong u leh wa ka seiñ da phah ko ya ka khubor kawa che cha ka sorkar jylla leh wa bha chiboon wow booddien ya ka Resolution wa da mynjur yow pynkrehkaam ya ka ILP ym toh wow jhan wanrah luti rel, wei neiliang u heh ka KSU da maham u leh wa lada ka sorkar jylla namo ka sorkar India leh ki dei bor, ka seiñ leh ym yohsa ko wow yalehke lang ha madan.
