Jowai: Kam chibynta wow booddien hajrong i chah jrongkti ki khynnah chnong Umkiang, EJHD, ha ki chipai BSF, neiliang yong ka seiñ Hynniewtrep Achik National Movement (HANM) – East Jaiñtia Hills, hapoh i yahkhmat u President, u Ency Shadap, u Shnalad Rymbai, President Khliehriat Circle ka seiñ haka 18 tarik uni u bnai da lai yachem ki ya u SP ka East Jaiñtia Hills District wow yoh pynche hajrong ini i kaam.
Hawa yaklam wa u SP wa kiwa yahkhmat ka HANM, da ong u wa hadooh katni ka takit dang lai ko chaaid chaaid chakhmat yow chemtre yeiwa jia.
Hajrong kani ka yurim, ka HANM da kyntu ko ya ki tnat pulit wow pyndep smat wei wow pynbna pyrthai smat yeiwa chem ka takit yeiwa jia wei kamjooh leh da kyntu ko ya ki BSF ba wa toh u burom ki ya ki kyndon ka chnong kamjooh ya ki bor ka aiñ.
Ka seiñ da pyntip ko wa lada ka tnat pulit ym ye ki u wanrah ya ka bichaar iwa hok, ka seiñ daw rah ko ya kani ka kaam cha ka Human Right Commission neidaw wa i hok manbru da chah thombor i ha ki BSF.
Also Read: Chah dat ki khynroo khyllood ha ki chipai BSF ha Umkiang
Discussion about this post